ادھمپور: دیوکا ندی پروجکٹ کے کام میں تیزی لانے کی ہدایت

جموں و کشمیر کے ضلع ادھمپور سے رکن پارلیمان اور وزیراعظم دفتر کے وزیر جتیندر سنگھ کے او ایس ڈی نے آج دیوکا ندی پروجیکٹ کا جائزہ لیا۔

او ایس ڈی نے مقامی انتظامیہ کے ساتھ ایک میٹنگ بھی کی جس میں اس تاریخی اہمیت کی حامل ندی کے کام میں تیزی لانے کی ہدایت دی۔

بتایا جاتا ہے کہ اس ندی سے لوگوں کے مذہبی جذبات بھی وابستہ ہیں اور اس ندی کو گنگا کی چھوٹی بہن بھی کہا جاتا ہے۔

ادھمپور کو اس ندی کی وجہ سے شہرت بھی حاصل ہے۔ کہا جاتا ہے کہ دیوکا ندی میں غوطہ لگانے سے کئی فوائد حاصل ہوتے ہیں۔

جس کے مدنظر اس ندی کی اہمیت کے پیش نظر اس کا جائزہ لیا گیا ۔ اس سلسلے میں مرکزی حکومت نے اس منصوبے کے لیے 173 کروڑ روپے کی منظوری سنہ 2017 میں دی۔ اس کے علاوہ مقامی رکن پارلیمان جتیندر سنگھ کی وجہ سے اسے نیشنل ریور کنزرویشن پروجیکٹ میں شامل کیا گیا۔