شمالی کشمیر کے ضلع بانڈی پورہ کے صدرکوٹ پائین علاقے میں اتوار کے روز ایک سڑک حادثے میں شدید زخمی ہونے والے 45 سالہ شخص نے جمعہ کی صبح سرینگر کے اسپتال میں دم توڑ دیا۔
بانڈی پورہ: سڑک حادثے میں زخمی شخص دم توڑ گیا - نوپورہ علاقے سے تعلق رکھنے والا ارشاد احمد
یہ حادثہ 21 فروری کو بانڈی پورہ میں پیش آیا تھا۔ اس حادثے میں نوپورہ علاقے سے تعلق رکھنے والا ارشاد احمد ولد غلام محمد (45) نامی شخص شدید زخمی ہوا تھا۔
بانڈی پورہ: سڑک حادثے میں زخمی شخص دم توڑ گیا
دراصل گذشتہ اتوار کو ارشاد احمد ایک الٹو گاڑی میں جا رہا تھا کہ ایس کے پاین کے نزدیک پہنچتے ہی گاڑی سڑک سے کھسک گئی اور گہری کھائی میں جا گری جس کے نتیجے میں وہ شدید زخمی ہوئے تھے۔
تاہم پانچ دن تک ہسپتال میں اپنی زندگی کی جنگ لڑنے کے بعد ارشاد نے آج صبح سکمز صورہ سرینگر میں دم توڑ دیا۔تمام قانونی اور طبی کارروائی مکمل کرنے کے بعد ارشاد کی لاش آخری رسومات کے لیے لواحقین کے حوالے کردی گئی ہے۔