شمالی کشمیر کے ضلع بارہمولہ کے سوپور قصبہ کے دیہات ڈانگر پورہ کے ہونہار اور ذہین بارہویں جماعت کے طالب علم قیصر شہناز میر نے خود ہی ایک ہزار اوراق والی انگریزی گرامر کتاب لکھی ہے جس کو اسے لکھنے میں دو سال سے زائد کا وقت لگا ہے۔
قیصر نے بتایا کہ اس آسان انگلش گرامر کتاب کو لکھنے کا مقصد ہے کہ کشمیری طلبا کو انگلش پڑھنے اور لکھنے میں آسانی ہو، اس نے کہا کہ اس کتاب کو لکھنے میں اس کو اپنے گھر والوں، دوستوں، رشتہ داروں اور ایک مقامی مشہور انگریزی پڑھانے والے استاد شوکت احمد نے بھر پور تعاون کیا ہے۰
قیصر نے مزید کہا کہ کشمیری طلبا میں کافی ہنر موجود ہے اور اس کو ابھارنے کے لئے ایک دوسرے کا تعاون ضروری ہے۔ ایسے طلبا کو ریاستی اور ملکی سطح پر اپنا ہنر پیش کرنا چاہئے۔
