مقامی لوگوں کے مطابق 15 سالہ تحسین نذیر، سرینگر کی مضافات میں واقع نوگام علاقے میں سڑک کے کنارے ایک پارک کی ہوئی کار کے ساتھ کھڑا تھا۔ اسی دوران ایک تیز رفتار پولیس بس ، ڈرائیور کے قابو سے باہر ہوئی اور اس نے پارک کی ہوئی کار کو ٹکر ماری جس کی زد میں تحسین نذیر بھی آگیا۔
اس حادثے میں مزید چار افراد زخمی ہوئے جن میں ایک خاتون بھی شامل ہے۔ زخمی افراد میں سے ایک شخص کی شناخت محمد یوسف کی حیثیت سے کی گئی جو ایک دکاندار ہے۔
ان کی بائیں ران میں شل لگا ہے جس کے باعث وہ شدید زخمی ہوئے۔ یوسف کو سری نگر کے بونز اینڈ جوائنٹز سرجری ہاسپٹل برزلہ میں داخل کیا گیا ہے۔
مقامی لوگوں نے زخمی لڑکے کو فوری طور اسپتال پہنچا دیا لیکن ڈاکٹروں کی کوششوں کے باوجود اس کی جان بچائی نہیں جاسکی۔
ہلاک شدہ لڑکے کی لاش اہل خانے کے سپرد کردی گئی ہے۔
حادثے کے فوراً بعد علاقے میں لوگوں کی بڑی تعداد جمع ہوئی اور پولیس کے خلاف مظاہرے شروع ہوئے۔