آئی جی جموں نے حالات کا جائزہ لیا

جموں و کشمیر کے ضلع راجوری میں لاک ڈاؤن کے 20ویں روز بھی بندشوں کےساتھ پولیس کی بھاری نفری تعینات تھی جبکہ اسی دوران آئی جی جموں رینج مکیش سنگھ نے راجوری پونچھ کا دورہ کیا اور یہاں کے حالات کا جائزہ لیا۔

اس موقع پر ذرائع ابلاغ کے نمائندوں سے بات کرتے ہوئے آئی جی جموں رینج مکیش سنگھ نے کہا کہ لاک ڈاؤن پر یہاں کی عوام کا تعاون مل رہا ہے جبکہ راجوری کے منجاکوٹ سے تین مثبت کیس سامنے آنے کے بعد جس طرح پولیس اور سیول انتظامیہ نے کام کیا وہ قابل ستائش ہے۔

انہوں نے امید ظاہر کرتے ہوئے کہا کہ جلد ہی راجوری سے کورنا وائرس کی روک تھام ہوگی۔

واضح رہے کہ اس وقت عالمی سطح پر کورونا وائرس کو روکنے کے لیے تمام تر انتظامات کیے جارہے ہیں۔