میر واعظ کا دو مرحوم علیحدگی پسندوں کو خراج عقیدت

حریت کانفرنس کے محبوس رہنما میر واعظ عمر فاروق نے گزشتہ دنوں دو علیحدگی پسند رہنماؤں کے انتقال پر دکھ کا اظہار کرتے ہوئے انہیں خراج عقیدت پیش کیا ہے۔

حریت کانفرنس کے بیان کے مطابق سرینگر کے حوّل کے رہنے والے سینیئر علیحدگی پسند عبد المجید وانی کا انتقال ہوا ہے۔

وہیں گزشتہ روز پیپلز کانفرنس کے سابق جنرل سکریٹری حفیظ اللہ مخدومی کے انتقال پر میر واعظ نے صدمے کا اظہار کیا۔ ان دونوں مرحوم علیحدگی پسند رہنماؤں کی سیاسی سرگرمیوں کو دہراتے ہوئے انہوں نے کہا انہوں نے کشمیری عوام کو باوقار زندگی دلانے کی خاطر حریت کانفرس کے ذریعے ان کے جزبات اور احساسات کی نمائندگی کی تھی اور کئی بار جیل کی صعوبتیں بھی برداشت کرنی پڑی۔

میر واعظ نے کہا کہ دونوں مرحومین کی زندگی اور قابل ذکر کوششیں ہر لحاظ سے قابل تحسین ہیں۔