شدید آتشزدگی سے ایک مکان جل کر خاکستر

شمالی ضلع بارہمولہ کے چکلوں علاقے میں شام کے وقت میں شدیدی آتشزدگی کا واقعہ پیش آیا جس میں ایک رہائشی مکان کو شدید نقصان پہنچا ہے۔

اطلاع کے مطابق آگ کی اس واردات میں لاکھوں روپے مالیت کا سامان راکھ کے ڈھیر میں تبدیل ہو گیا ہے۔ چکلوں علاقے میں شام کے وقت تقریباً سات بجے خوف و دہشت پھیل گئی جب علاقے میں آگ کی ایک ہولناک واردات رونما ہوئی ۔

معلوم ہوا ہے کہ غلام محمد نامی شہری کے مکان سے آگ نمودار ہوئی تھی، مقامی لوگوں نے آگ پر قابو پانے کے لیے کارروائی شروع کی اور جب تک آگ کو بجھا یا گا تب تک ایک رہائشی مکان جل کر خاکستر ہو گیا ۔

آگ کی اس واردات میں لاکھوں روپے مالیت کی املاک جل کر خاکستر ہوگئی ہے۔

مقامی لوگوں نے مطالبہ کیا کہ آتشزدگی کے اس واقعہ سے متاثر خاندان کو جلد از جلد معاوضہ فراہم کیا جائے تاکہ وہ اپنی زندگی گزر بسر کر سکے ۔