لاک ڈاؤن سے ہوٹل مالکان و غریب پریشان

جموں و کشمیر میں لاک ڈاؤن لگنے سے ہوٹل مالکان پریشان ہیں۔ سال 2019 میں دفعہ 370 اور 35 اے کی منسوخی اور اب کورونا کے پیش نظر لگائے گئے لاک ڈاؤن سے غریب عوام زیادہ متاثر ہوئے ہیں۔

عالمی صحت افزا سیاحتی مقام سناسر گذشتہ دو سالوں سے بری طرح متاثر ہوا ہے۔ سال 2019 میں دفعہ 370 اور 35 اے کی منسوخی اور اب کورونا کے پیش نظر لاک ڈاؤن لگائے جانے سے لوگوں کو پریشانیوں کا سامنا کرنا پر رہا ہے۔

لاک ڈاؤن اور کورونا کرفیو کی وجہ سے ہوٹل مالکان، دکان دار، گھوڑے والے، دھاڑی دار مزدور بری طرح سے متاثر ہو گئے ہیں۔ ای ٹی وی بھارت سے بات کرتے ہوئے لوگوں نے بتایا کہ دکان اور ہوٹلوں کا کرایہ نکالنا مشکل ہو گیا ہے۔ ملازمین کی تنخواہیں بھی جیب سے دینی پڑتی ہیں۔ تین سال سے لاک ڈاؤن کی وجہ سے کاروباریوں کمر توٹ چکی ہے۔

انہوں نے مزید بتایا کہ گزشتہ برس سرکار نے کرایہ معاف کرنے کی بات کہی تھی۔ تاہم وہ ایک جملہ تھا۔ ایک شخص نے کہا کہ ہماری زندگی مزدوری کر کے پیٹ بھرنے پر ہے۔ سرکار کے مفت پانچ کلو چاول سے گھر نہیں چل سکتا۔ مرکزی سرکار اور گورنر انتظامیہ سے لاک ڈاؤن کے دروان مالی مدد کرے۔