تیزرفتارانٹرنیٹ بحال ہونے پرلوگوں میں خوشی

سرکاری بیان کے مطابق 'رات 9 بجے سے وسطی کشمیر کے ضلع گاندربل میں 4 جی انٹرنیٹ کوبحال کردیا گیا اور وقتا فوقتا اس کا جائزہ لیا جائے گا۔

مرکز کے زیر انتظام جموں و کشمیر کے ضلع اُدھم پور اور گاندربل ضلع میں انتظامیہ نے 4 جی انٹرنیٹ سروس کی بحالی کر دی ہے۔

اتوار کی رات 9 بجے سے 8 ستمبر تک 4 جی سروس بطور آزمائشی شروعات کی گئی ہے۔ آرٹیکل 370 کے خاتمے کے ایک سال بعد جموں و کشمیر کے دو اضلاع میں فور جی انٹرنیٹ سروس بحال کردی گئی ہے۔

یہ سروس اتوار کی رات صبح 9 بجے سے 8 ستمبر تک بطور آزمائشی آغاز کی گئی ہے جبکہ دوسرے اضلاع میں بھی انٹرنیٹ کی رفتار 2 جی تک ہی محدود ہوگی۔ یہ فیصلہ جموں و کشمیر زون کے آئی جی نے لیا ہے۔

سرکاری بیان کے مطابق 'رات 9 بجے سے وسطی کشمیر کے ضلع گاندربل میں 4 جی انٹرنیٹ کو بطور آزمائش بحال کردیا گیا ہے اور وقتا فوقتا اس کا جائزہ لیا جائے گا۔ جموں و کشمیر میں تیز رفتار انٹرنیٹ پر پابندی کے پیچھے شر پسندوں اور عسکریت پسندوں کا حوالہ دیا گیا تھا۔'

وہیں مقامی لوگوں نے 4 جی انٹرنیٹ خدمات چلانے پر حکومت کا شکریہ ادا کیا اور طلباء میں بھی خوشی کی لہر دیکھی گئی کہ 4 جی چلانے سے اب ان کی پڑھائی میں رکاوٹ نہیں آئے گی۔

اس معاملے کو لے کر مقامی لوگوں کا کہنا ہے کہ ' 2 جی نیٹ ورک ہونے کی وجہ سے کافی مشکلات کا سامنا کرنا پڑتا تھا۔ سب سے زیادہ لاک ڈاؤن کے وقت طلباء کو آن لائن پڑھائی کرنے میں مشکل آتی تھی۔ لیکن اب 4 گی کی بحالی سے ہمیں راحت ملےگی۔'

وہیں طلباء نے خوشی کا اظہار کرتے ہوئے کہا کہ ' 4 جی کی بحالی سے اب ہمیں پڑھائی کرنے میں آسانی ہوگی۔'