عارضی ملازمین کا احتجاج

سوپور میں (ایچ ڈی ایف ) ہسپتال ڈیولپمنٹ فنڈ کے ملازمین نے سرکار اور محکمہ ہیلتھ کے خلاف احتجاج کیا۔ انہوں نے مطالبہ کیا کہ ان کی تنخواہ واگزار کی جائے اور نوکریاں مستقل کی جائے۔

شمالی کشمیر کے ضلع بارہمولہ کے سوپور قصبہ میں آج ایچ ڈی ایف ملازمین نے سرکار اور ضلع انتظامیہ کے خلاف احتجاج کرتے ہوئے کہا کہ انہیں گزشتہ کئی برسوں سے تنخواہ سے محروم رکھا گیا ہے جس کی وجہ سے ان کو کافی مشکلات کا سامنا کرنا پڑتا ہے۔

انہوں نے کہا کہ ان کے بال بچے فاقہ کشی پر مجبور ہو رہے ہیں کیونکہ سرکار نے ان کو اللہ کے رحم وکرم پر چھوڑ دیا ہے۔

مظاہریں کا کہنا ہے کہ وہ لوگ دن رات محنت مشقت کر کے اپنے ہسپتال کا کام کرتے ہیں اور کورونا وائرس کے دوران اپنی ڈیوٹی انجام دے رہے ہے لیکن پھر بھی سرکار ہم لوگوں کو تنخواہ سے محروم رکھتی ہے۔

ہم سرکار اور ایل جی انتظامیہ سے گزارش کرتے ہیں کہ وہ ہماری تنخواہیں واگزار کریں اور ہماری نوکری مستقل کرے۔