درگاہ حضرت خواجہ مسعود ولیؒ کی عرس تقاریب منسوخ

ہر سال پانپور میں 5 صفرالمظفر کو سالانہ عرس مبارک حضرت خواجہ مسعود ولیؒ کا بڑے عقیدت و احترام کے ساتھ انعقاد عمل میں آتا ہے لیکن اس سال کورونا وبا کے چلتے 23 ستمبر کو منعقد ہونے والی عرس تقاریب کو منسوخ کردیا گیا۔

پانپور اوقاف کمیٹی کے ذمہ داروں کے مطابق اس سال وبائی مرض کو نظر میں رکھتے ہوئے عرس تقاریب کو منسوخ کردیا گیا جبکہ یہ فیصلہ کمیٹی نے دیگر ذمہ داروں کے ساتھ مشاورت کے بعد متفقہ طور پر کیا گیا۔

کمیٹی کے ذمہ داروں نے بتایا کہ اس سال عرس کے موقع پر منعقد ہونے والی تمام تقاریب کو منسوخ کردیا گیا۔ آستانہ عالیہ پر نعت و مناجات کی کوئی محفل منعقد نہیں ہوگی اور نہ ہی تبرکات وغیرہ کا اہتمام کیا جائے گا۔ انہوں نے تمام عقیدت مندوں سے درگاہ نہ آنے کی اپیل کرتے ہوئے کہا کہ گھروں میں ہی رہ کر دعا و استغفار کا اہتمام کیا جائے۔