Jal Jeevan Mission ڈوڈہ میں آشا ورکروں اور سرپنچوں کیلئے بیداری اور تربیتی کیمپ

محکمہ جل شکتی کی جانب سے آج ڈوڈہ میں ڈپٹی کمشنر آفس میں جل جیون مشن کا ایک ہینڈ ہولڈنگ اجلاس منعقد کیا گیا جس میں محکمہ کے افسران سمیت مختلف اسٹیک ہولڈرز نے شرکت کی۔

ڈوڈہ: مرکز کے زیر انتظام یوٹی جموں و کشمیر کے ضلع ڈوڈہ میں بھارت سرکار کی طرف سے جل جیون مشن کے تحت آج مختلف عہدیداروں کو لے کر ساتھ ایک ضلع سطح کی میٹنگ کا انعقاد کیا گیا جس میں تمام لوگوں کو پانی سے پھیلنے والی بیماریوں اور پانی کو کیسے ٹیسٹ کیا جاتا ہے۔ ان سبھوں کو خصوصی ٹریننگ دی گئی۔ اس سیشن میں مختلف اسٹیک ہولڈرز جن میں نچلی سطح کے نمائندے اور آشا ورکرس شامل ہیں۔ انہیں پانی اور دیگر چیزوں کی جانچ کے بارے میں تربیت دی جا رہی ہے۔ محکمہ کے سپرنٹنڈنگ انجینئر انیل کمار نے کہا کہ تمام جے جے ایم اسکیمیں ایک بار مکمل ہونے کے بعد پانی کمیٹیوں کو سونپ دی جائیں گی جن کے پاس ان اسکیموں کو چلانے کی ذمہ داری ہے۔

اس پروگرام میں ڈی سی ڈوڈہ ویشیش پال مہاجن نے بھی شرکت کی۔ پریکٹیکل سیشن کے دوران آشا ورکروں اور سرپنچوں اور پنچوں کو یہ دکھایا گیا کہ پانی کی جانچ کس طرح کی جا رہی ہے اور اسے مقامی سطح پر پینے کے پانی کی جانچ کرانے میں کس طرح مدد کرنی چاہیے۔ حکومت جے جے ایم اور پانی کمیٹیوں کو اہمیت دے رہی ہے اور محکمہ پانی کی جانچ کرنے اور اسے پینے کے لیے موزوں بنانے کے لیے ان کمیٹیوں کو آگاہ کر رہا ہے۔