گریز سڑک ایک بار پھر کھول دیا گیا

شمالی کشمیر میں بانڈی پورہ گریز سڑک کو ٹریفک کے لیے پھر ایک بار کھول دیا گیا ہے۔

اطلاعات کے مطابق روڈ سے برف ہٹانے کا کام کل شام مکمل کیا گیا اور آج صبح درجنوں مال و مسافر بردار گاڑیاں گریز کی اور روانہ ہوئیں ۔

واضح رہے کہ چھ نومبر کو ہوئی برف باری کی وجہ سے بانڈی پورہ گریز سڑک متعدد بار بند ہوئی، تاہم بیکن کی لگاتار کاوشوں سے سڑک کو پھر ایک بار ٹریفک کے لیے کھول دیا گیا۔

گریز پوری دنیا سے چھ ماہ کے لیے برف کی وجہ سے کٹا رہتا ہے جس سے مقامی لوگوں کو بہت مشکلات کا سامنا کرنا پڑتا ہے۔