بندوق برداروں کے حملے میں زخمی شخص نے دم توڑا

جنوبی کشمیر کے ضلع کولگام کے توریگام علاقے میں گزشتہ دنوں نامعلوم مسلح افراد نے 28 سالہ شخص کو گولی مار دی تھیاورآج وہ زخموں کی تاب نہ لاکر چل بسا۔

سرکاری ذرائع کے مطابق گزشتہ دنوں مشتبہ عسکریت پسندوں نے توری گام میں وسیم احمد ولد محمد امین پر فائرنگ کی۔ جس کے بعد وہ شدید زخمی ہوئے تھے۔

زخمی ہونے کے بعد انہیں علاج کے لیے قریبی ضلع اسپتال میں داخل کیا گیا تھا۔ اس دوران ڈاکٹروں نے انہیں سرینگر منتقل کیا اور سات دن گزر جانے کے بعد آج وسیم نے دم توڑ دیا۔

مرحوم کے آبائی گاؤں میں مقامی ذرائع نے فون پر بتایا کہ وسیم کی لاش ابھی سرینگر اسپتال میں ہی ہے۔

اُدھر ضلع پولیس کے سربراہ ایس۔ ایس۔ پی کولگام گوریندر پال سنگھ نے نمائندے کو بتایا کہ اس حملے میں ملوث افراد کو جلداز جلد گرفتار کیا جائے گا۔