جموں و کشمیر میں حاجی یوسف نے ضلع ہیڈکوارٹر رامبن میں پریس کانفرنس کے دوران جموں و کشمیر میں گجر بکروال و گدی طبقے کو ایس ٹی زمرے کے تحت سیاسی ریزرویشن کے لیے مرکزی حکومت کا شکریہ ادا کیا۔
انہوں نے جموں کشمیر میں جمہوری نظام کو بحال کرنے کے لیے انتخابات کرانے کا مطالبہ بھی کیا۔
حاجی یوسف نے پریس کانفرنس کے دوران کہا کہ جموں و کشمیر میں گجر بکروال تیسرا بڑا طبقہ ہے جس کو سابق حکومتوں نے محض ووٹ بنک کے طور استعمال کیا، تاہم اب مرکزی حکومت کی جانب سے دی گئی ریزرویشن سے انکی ترقی کے راستے ہموار ہونگے۔
وہیں انہوں نے مزید کہا کہ اس پسماندہ طبقہ کے لیے ملک کی دوسری ریاستوں کی طرز پر فارسٹ ایکٹ لاگو کرنے پر زور دیتے ہوئے کہا یہ طبقہ دور دراز علاقہ جات میں خانہ بدوشی کی زندگی بسر کرتے ہیں فارسٹ ایکٹ کے لاگو ہونے سے انہیں مستقبل کے لیے راہ ہموار ہوگی۔
انہوں نے جموں و کشمیر کی خصوصی حثیت دفعہ 370 کو ختم کرنے کا فیصلہ سابق حکومتوں کو ذمہ دار ٹہرایا۔ انہوں نے کہا کہ دفعہ 370 اور ریاست کا درجہ ختم ہونے کے بعد جموں و کشمیر میں افسر بے لگام ہو گئے ہیں وہ لوگوں کے مسائل سننے کے لیے تیار ہی نہیں ہے جس کی وجہ سے عام لوگوں کی زندگی کافی مشکل ہوگئی ہے عام عوام کی کوئی سنوائی نہیں ہے۔