Guardians And Students Protest گورنمنٹ مڈل سکول بند ہونے پر طلبہ اور سرپرستوں کا احتجاج

جموں و کشمیر کے ضلع پونچھ کے پدر میں واقع گورنمنٹ مڈل اسکول بند ہونے کے خلاف مقامی باشندوں نے انتظامیہ کے خلاف جم کر احتجاج کیا۔ احتجاجی مظاہرے میں مقامی باشندوں کے ساتھ ساتھ متعدد طلبہ و طالبات بھی شامل تھے۔ Closure of Government Middle School Padder Chella Panchayat of in Poonch

منڈی:مرکز کے زیر انتظام یوٹی جموں و کشمیر کے پونچھ کی تحصیل منڈی کے دوردراز علاقہ چھیلہ کے پدر میں واقع گورنمنٹ مڈل اسکول کا ایک ویڈیو سوشل میڈیا پر وائرل ہوا جس میں اسکولی بچے محکمہ تعلیم کے خلاف احتجاج کر رہے ہیں۔ مقامی باشندوں کے مطابق پدر میں واقع گورنمنٹ مڈل اسکول میں 28 تاریخ کو جب طلبہ پہنچے تو اسکول بند پایا۔ طلبہ کو اس پر تشویش ہوئی۔ انہوں نے اپنے اپنے سرپرستوں کو اس کی اطلاع دی۔ مقامی باشندوں نے طلبا و طالبات کو ساتھ لے کر محکمہ تعلیم کے خلاف احتجاج شروع کردیا۔

اس حوالے سے مقامی باشندوں نے سخت برہمی کا اظہار کرتے ہوئے کہا کہ اس ترقی یافتہ دور میں جہاں بائیو میٹرک کے ذریعہ اساتذہ کی حاضری ہوتی ہے۔ لیکن باوجود اس کے گورنمنٹ مڈل اسکول پدر 28 تاریخ کو بند رہا۔ اس سے طلبہ کی تعلیم متاثر ہوئی ہے۔ ان کا مزید کہنا تھا کہ بغیر چھٹی کے اسکول بند رکھنے کا کیا مطلب ہے۔ سرکاری خزانہ سے تنخواہیں حاصل کرنے والے اساتذہ کا حق بنتا ہے وہ اس دوردراز علاقہ کے غریب لوگوں کے بچوں کو بہتر اور معیاری تعلیم دیں۔

اس حوالے سے انچارج زونل ایجوکیشن آفیسر ساتھرہ محمد امین نے کہا کہ سکول بند ہونے کا معاملہ ان کے نوٹس میں آیا تھا جس کے فوری بعد انہوں دوسرے قریبی سکول سے ایک استاد کو سکول میں بھیجا تاکہ طلباء کی تعلیم متاثر نہ ہو۔ لیکن سکول میں بھیجے گیے استاد کو مقامی لوگوں کی جانب سے سکول میں نہیں جانے دیا گیا۔