پکھر پورہ بلاک کے ناگہ بل میں ڈی سی بڈگام نے لوگوں سے بات چیت کی
بڈگام:وسطی کشمیر کے ضلع بڈگام میں ڈپٹی کمشنر بڈگام ایس ایف حامد نے آج ضلع کے دور افتادہ پنچایت حلقہ ناگبل بلاک کے پکھر پورہ میں عوامی شکایات کے ازالے کے کیمپ کی صدارت کی۔اس کیمپ میں شرکت کرنے والے لوگوں نے اپنے اپنے مسائل کو ڈی سی بڈگام کے سامنے رکھا۔
ناگبل میں واقع گورنمنٹ ہائی اسکول میں یہ پروگرام منعقد ہوا جہاں ناگبل، کنہ دیجن اور دیگر ملحقہ دیہاتوں کے پی آر آئیز، معزز شہریوں اور مقامی نوجوانوں کے وفود نے ڈی سی کے سامنے اپنے مطالبات اٹھائے۔
ڈی سی بڈگام نے مسائل سنے اور ان کے تمام حقیقی مطالبات کو ترجیحی بنیادوں پر حل کرنے کی یقین دہانی کرائی۔ اس موقع پر ڈی ڈی سی اور بی ڈی سی ممبران، سی ای او یوسمرگ ڈیولپمنٹ اتھارٹی، ایس ڈی ایم چاڈورہ اور تمام متعلقہ افسران ؤ اہلکار موجود رہے۔