اودھم پور: چنینی تحصیل میں ڈگری کالج کا افتتاح

ضلع کے چنینی تحصیل کے طلبأ و طالبات کو اعلی تعلیم کے لیے دور دراز کے علاقوں میں جانا پڑتا تھا، جس کے سبب طالبات کو کافی دقتوں کا سامنا کرنا پڑرہا تھا۔

علاقے کے اکثر والدین اپنی بیٹیوں کو اعلی تعلیم دلانے سے روک دیتے تھے کیونکہ شام کے وقت دور دراز کے علاقے سفر کے لیے موزوں نہ تھے۔

اس تعلق سے ریاست جموں و کشمیر کے گورنر انتظامیہ نے ہر تحصیل میں ڈگری کالج قائم کرنے کا حکم دیا گیا ہے تاکہ علاقے کے لوگوں کو حصول علم کے لیے زیادہ دقتوں کا سامنا نہ کرنا پڑے۔

اس کالج کی تعمیر کے آغاز سے تحصیل کے طلبہ و طالبات میں خوشی کی لہر دوڑ گئی ہے، جن کا کہنا ہے کہ پہلے انھیں کالج جانے کے لیے 3 سے 4 گھنٹے لگتے تھے جس کے سبب ان کی صحت اور ان کی اقتصادی حالت پر کافی اثر پڑتا تھا۔
لیکن اب کالج کی تعمیر ہوجانے کے بعد انھیں کافی سہولت ہوجائے گی۔