حکومت کے ساتھ شانہ بشانہ کھڑے ہیں: غلام نبی آزاد

کانگریس کے سینیئر رہنما و جموں و کشمیر کے سابق وزیراعلی غلام نبی آزاد نے آج راجیہ سبھا میں وزیر دفاع راجناتھ سنگھ کے خطاب کے بعد ان کی بھرپور حمایت کرتے ہوئے کہا کہ ہم بھارت کے جوانوں کے ساتھ ہیں اور بھارتی حکومت کے اس موقف کی حمایت کرتے ہیں کہ 'چین کو اسی جگہ واپس جانا ہوگا جہاں وہ پہلے تھا'۔

سینئر کانگریس لیڈر غلام نبی آزاد نے کہا کہ ہماری پارٹی چین کے معاملے کے حوالے سے حکومت کے ساتھ شانہ بشانہ کھڑی ہے۔ چین کی مذموم حرکت کی وہ پرزور انداز میں مخالفت کرتے ہیں اور بھارت کے موقف کے ساتھ ہیں۔ چین نے جس طرح بھارت کے حدود کو پامال کیا ہے اسے قطعی طور پر برداشت نہیں کیا جاسکتا ہے۔ انہوں نے واضح لفظوں میں کہا کہ چینی افواج کو اسی جگہ واپس جانا ہوگا جہاں وہ پہلے تھے۔

انہوں نے مزید کہا کہ ملک کی سالمیت اور یکجہتی کو لیکر تمام جماعتوں متحد ہیں۔

انہوں نے کہا مجھے سیاچن جانے کا دو بار موقع ملا اور فوجیوں کے ساتھ فٹبال اور کھانے کھانے کا موقع ملا۔ ہمارا سیکورٹی اہلکاروں کے ساتھ قریبی تعلقات ہے اور اس لیے ہم ان کے ساتھ شانہ بشانہ ہے۔