کنگن میں بجلی کی کٹوتی کے خلاف احتجاج

احتجاج میں شامل لوگوں نے سرینگر لیہہ قومی شاہرہ پر احتجاج کرتے ہوئے محکمہ بجلی کے خلاف نعرے بازی کی۔

مرکز کے زیر انتظام جموں و کشمیر کے ضلع گاندربل کے مرگنڈ کنگن علاقے میں مقامی لوگوں نے محکمہ بجلی کے خلاف احتجاجی مظاہرہ کیا۔

دراصل کنگن میں بجلی کی مسلسل کٹوتی کی وجہ سے عوام کو پریشانیوں کا سامنا کرنا پڑ رہا ہے۔

وہیں مظاہرین کا کہنا ہے کہ 'علاقے میں بجلی کی مسلسل کٹوتی کی وجہ سے انہیں کافی دشواریوں کا سامنا کرنا پڑ رہا ہے۔'

'انہوں نے بتایا کہ 'عمر کالونی مرگنڈ میں بجلی شیڈول کے مطابق بھی نہیں فراہم کی جارہی ہےجس کی وجہ سے علاقے کے لوگ اندھیرے میں زندگی گزارنے پر مجبور ہیں۔'

احتجاج میں شامل لوگوں نے سرینگر لیہہ قومی شاہرہ پر احتجاج کرتے ہوئے بجلی محکمے کے خلاف نعرے بازی بھی کی۔

اُنہوں نے کہا کہ 'بجلی فیس وقت پر ادا کرنے کے باوجود انہیں بجلی فراہم نہیں کی جاتی ہے۔