چار منشیات فروش گرفتار

شمالی کشمیر کے ضلع بارہمولہ کے سوپور قصبہ میں جموں کشمیر پولیس نے چار منشیات فروشوں کو گرفتار کیا ہے۔

پولیس ذرائع کے مطابق سوپور کے پتخوہ گاؤں میں ایک ناکے کے دوران چار منشیات فروشوں کو گرفتار کر کے ان کے قبضے سے 38 گرام براؤن شوگر برآمد کیا گیا۔ ان کی پہچان امتیاز احمد چوپان، امتیاز احمد ڈار، ارشد رشید وانی اور فیز فاروق جانواری کے طور پر ہوئی ہے اور یہ چاروں سوپور کے رہنے والے ہیں۔

اس سلسلے میں سوپور پولیس نے پولیس چوکی تارزو میں ان کے خلاف کیس درج کر کے مزید تحقیقات شروع کردی ہے۔