بانڈی پورہ: جعلی کرنسی کے ساتھ چار افراد گرفتار

پولیس کے مطابق گرفتار شدہ افراد کے قبضے سے پانچ لاکھ روپے فرضی کرنسی نوٹ بھی برآمد کرلئے گئے ہیں۔

شمالی کشمیر کے ضلع بانڈی پورہ میں پولیس نے جعلی کرنسی کے ایک سکینڈل کا پردہ فاش کرکے چار افراد کو گرفتار کیا ہے۔

پولیس کے مطابق اس دوران پانچ لاکھ روپے فرضی کرنسی نوٹ بھی ضبط کرلئے گئے ہیں۔

پولیس اسٹیشن بانڈی پورہ میں تفصیلات فراہم کرتے ہوئے ایس ایس پی بانڈی پورہ راہل ملک کا کہنا ہے کہ 'گرفتار شدہ چار افراد میں سے دو افراد کا تعلق بانڈی پورہ سے ہے جبکہ دیگر دو افراد جنوبی کشمیر کے ضلع کولگام کے رہنے والے ہے۔'

ایس ایس پی راہل ملک نے مزید کہا کہ چاروں افراد کے خلافغیر قانونی سرگرمیاں روک تھام ایکٹ (یو اے پی اے) کے تحت کیس درج کرلیا گیا اور مزید تحقیقات جاری ہے۔