کالم نگار، سابق بیروکریٹ محمد اشرف کا انتقال

محکمہ سیاحت کے سابق ڈائریکٹر جنرل اور سرکردہ کالم نگار محمد اشرف بطخو سرینگر کے اسکیمز میں انتقال کرگئے۔

محمد اشرف، جموں و کشمیر ٹورزم محکمے کے پہلے ڈائریکٹر جنرل تھے اور وہ اسی عہدے پر 2003 میں سبکدوش ہوئے۔ جموں و کشمیر میں مہم جو سیاحت یا ایڈونچر ٹورزم متعارف کرانے میں انکا کلیدی رول رہا ہے۔

سرینگر نشین سرکردہ یوسف جمیل نے ایک ٹویٹ میں لکھا کہ کچھ دن سے وہ نمونیا میں مبتلا تھے لیکن ان کے چھوٹے بھائی عبدالحمید کے مطابق ان کا غلطی سے کورونا کا علاج کیا گیا اور ایس کے آئی ایم ایس میں علاج کیا گیا تاہم بعد میں ان کا کورونا وائرس ٹیسٹ منفی پایا گیا۔

سرکاری ملازمت سے سبکدوش ہونے کے بعد محمد اشرف نے کئی کتابیں تصنیف کیں جبکہ سرینگر کے متعدد انگریزی اخبارات میں انکے مستقل کالم شائع ہوتے تھے۔

محمد اشرف خود ایک کوہ پیما تھے اور کشمیر و لداخ خطوں میں کوہ پیمائی اور دیگر مہم جو کھیلوں کو متعارف کرنے میں انکا رول اہم رہا۔

سرکاری ملازمت سے پہلے وہ کشمیر کی علیحدگی پسند تحریک کے ساتھ بھی وابستہ رہے ہیں۔

واضع رہے کہ محمد اشرف نے محکمہ میں 30 برس تک اپنی خدمات انجام دیں اور 2003 میں وہ ریٹایئر ہوئے۔