بانڈی پورہ میں کورونا کے پانچ نئے معاملے

بانڈی پورہ کے کلوسا ناتھ پورہ علاقے میں آج کورونا کے پانچ نئے معاملے سامنے آئے ہیں۔ اس کے بعد سے پورے علاقے کو کنٹینمنٹ زون میں تبدیل کردیا گیا ہے۔

شمالی کشمیر میں ضلع بانڈی پورہ کے کلوسا ناتھ پورہ علاقے میں آج کورونا کے پانچ معاملے سامنے آئے ہیں جبکہ کورونا سے ایک شخص کی ہلاکت بھی ہوئی ہے۔ اس کے پیش نظر انتظامیہ نے علاقے کو کنٹینمنٹ زون میں تبدیل کردیا ہے۔
اس سلسلے میں ڈپٹی کمشنر بانڈی پورہ کی جانب سے جاری کردہ ایک رپورٹ کے مطابق کلوسا ناتھ پورہ اور جان محلہ میں کورونا کے پانچ نئے معاملے سامنے آئیں ہیں اور ایک شخص کی موت بھی واقع ہوئی ہے، اس واقعے کے بعد سے کورونا سے تحفظ کے لیے متعدد اقدامات کیے جارہے ہیں۔
انہوں نے بتایا کہ 'مذکورہ مائیکرو کنٹینمنٹ زون کے 100 میٹر اندر سخت پیرامیٹر کنٹرول ہوگا۔

اس تعلق سے چیف میڈیکل آفیسر بانڈی پورہ نے بتایا کہ 'نئے معاملات کی تلاش اور ان کے رابطے میں آئے 100 افراد کے نمونے لیے جائیں گے۔ ایس او پی کے مطابق سروس فراہم کرنے والے اور دیگر کمزور افراد کے بھی نمونے لیے جائیں گے۔