سرینگر میں آگ لگنے کی وجہ سے مکان خاکستر

کشمیر کے سرینگر میں اتوار کی صبح ایک رہائشی مکان میں آگ لگ گئی جس کے سبب مکان آگ کی نذر ہوگیا تاہم اس واقعے میں کسی بھی جانی نقصان کی کوئی اطلاع موصول نہیں ہوئی ہے۔

فائر اینڈ ایمرجنسی ڈپارٹمنٹ کے ایک عہدیدار نے واقعے کی تصدیق کرتے ہوئے بتایا کہ اتوار کے روز سرینگر میں نواکدال کے علاقے ملباب صاحب میں رہائشی مکان میں آگ لگ گئی۔

انہوں نے مزید بتایا کہ واقعے کے فوراً بعد فائر بریگیڈ کو علاقے میں پہنچا دیا گیا تاکہ وہ آگ پر قابو پایا جاسکے۔

عہدیدار نے بتایا کہ ابھی تک آگ کی وجہ کا پتہ نہیں چل سکا ہے تاہم کسی کے جانی نقصان یا زخمی ہونے کی کوئی اطلاع نہیں ہے۔خیال رہے گزشتہ روز بھی سرینگر کے نابدی پورہ جڈی بل میں بھی ایک ایسے ہی حادثے کے دوران ایک رہائشی مکان آگ لگنے سے خاکستر ہوگیا تھا۔