اونتی پورہ : پولیس اسٹیشن میں آتشزدگی

آتشزدگی میں ایس او جی کی اس عمارت کی اوپری منزل کو نقصان پہنچا تاہم کوئی جانی نقصان نہیں ہواہے۔

جنوبی کشمیر میں واقع اونتی پورہ پولیس اسٹیشن کی ایک عمارت میں آگ لگنے سے عمارت کو جزوی نقصان پہنچا ہے تاہم آگ کی وجہ سے کسی جانی نقصان کی کوئی اطلاع نہیں ہے۔

تفصیلات کے مطابق اونتی پورہ پولیس اسٹیشن کے احاطے میں موجود ایک بلڈنگ جس میں ایس او جی سے وابستہ اہلکار ہوتے ہیں ، آج صبح اچانک آگ نمودار ہوئی جس کی وجہ سے وہاں افرا تفری کا ماحول پیدا ہوگیا۔

اونتی پورہ : پولیس اسٹیشن میں آگ لگ گئی

اس تعلق سے فائر سروس اہلکاروں کو مطلع کیا گیا جسکے بعد انکی بروقت کوششوں سے آگ پر قابو پایا گیا۔

اس واردات میں ایس او جی کی اس عمارت کی اوپری منزل کو نقصان پہنچا تاہم کوئی جانی نقصان نہیں ہوا۔

آگ لگنے کی وجوہات کا پتہ لگایا جا رہا ہے۔