اونتی پورہ میں سات افراد کو باجماعت نماز پڑھنا مہنگا پڑا

جنوبی کشمیر کے اونتی پورہ علاقے میں پولیس نے سات افراد کے خلاف ایف آئی آر درج کیا ہے جنہوں نے ایک مقامی مسجد میں اکٹھے نماز ادا کی ۔

اس ضمن میں ای ٹی وی بھارت کو معلوم ہوا ہے کہ اونتی پورہ سے ڈیڑھ کلومیٹردور پدگام پورہ نامی گاؤں میں ایک مقامی مسجد میں سات افراد نے اکٹھے عصر کی نماز ادا کی اور جونہی یہ نمازی باہر آئے تو پولیس نے انکو گرفتار کر کے ان کے خلاف باضابطہ ایف آئی آر درج کیا ہے۔

پولیس نے بیان میں کہا کہ ہے کہ ان افراد نے ڈسٹرکٹ مجسٹریٹ پلوامہ کے واضح ہدایات اور اونتی پورہ پولیس کی طرف سے بار بار گزارش کے باوجود احکامات کو بالائے طاق رکھا جس کے بعد ان کے خلاف کاروائی کا آغاز کیا گیا ۔