ادھمپور میں پھنسے مزدوروں کی واپسی جلد ہوگی

کورونا قہر کے درمیان جموں کشمیر کے ضلع ادھمپور میں پھنسے بہار کے مزدوروں کو ان کی آبا ئی ریاست پہنچانے کے لئے جلد شرمک ایکسپریس ریل کی خدمات بحال کی جا ئیگی۔

اس کے لئے ضلع انتظامیہ نے تیاریاں شروع کردی ہیں اور شرمک ٹرین میں مسافروں کی فہرست بنانے کی تیاری کا بھی آغاز کردیا ہے ۔

ذرائع سے ملی اطلاع کے مطابق آج تک تقریبا 1500 سے زائد افراد اپنے آبائی مقام کی روانگی کے لئے اپنا نام درج کرا چکے ہیں۔

گذشتہ چند ایام سے ملک کے مختلف ریاستوں میں پھنسےمزدوروں کو شرمک ٹرینوں کے ذریعہ اپنے اپنے گھر جا رہے ہیں۔اور اب ضلع انتظامیہ کی جانب سے ادھمپور کے مختلف حصوں میں پھنسے بہار کے مزدوروں کو شرمک ٹرین کے ذریعہ واپس ان کے آبائی مقام تک پہنچانے کی کوششیں کی جا رہی ہیں۔