آزاد امیدوار صبرینہ مشتاق سے خصوصی گفتگو

ڈی ڈی سی انتخابات کے لیے ضلع اننت ناگ کے شانگس بلاک سے بحیثیت آزاد امیدوار حصہ لینے والی صبرینہ مشتاق نے ای ٹی وی بھارت سے بات کرتے ہوئے کہا کہ شانگس ایک پسماندہ علاقہ ہے۔

گزشتہ حکومتوں کی جانب سے مذکورہ علاقہ کو ہر لحاظ سے نظر انداز کیا گیا ہے۔ علاقہ کے لوگوں کو بجلی پانی تعلیم و دیگر ضروریات سے محروم رکھا گیا ہے۔

یہی وجہ ہے کہ آج کے جدید دور میں بھی شانگس علاقہ پسماندگی کا شکار ہے۔ صبرینہ نے کہا کہ انتخابات میں حصہ لینے کا ان کا مقصد پسماندہ علاقہ کو ترقی کی راہ پر گامزن کرنا ہے۔

انہوں نے مزید کہا کہ وہ ایک خاتون ہے لہذا وہ خواتین کی بازآبادکاری اور انہیں باختیار بنانے کو ترجیح دیں گی۔

صبرینہ نے کہا کہ انہیں امید ہے کہ لوگ ان کے حق میں ووٹ ڈال کر انہیں خدمت کرنے کا موقع دیں گے۔