جموں وکشمیر کے سوناواری کے مختلف علاقوں میں سب سینٹرز (طبی مراکز) پرمسلسل اسٹاف کی غیر حاضری سے سینٹر بند رہتے ہیں جس سے مقامی لوگ کافی پریشان ہیں۔
ملازمین کی غیرحاضری سے طبی مراکز بند
مقامی لوگوں کا کہنا ہے کہ ان علاقوں میں تعینات طبی عملے اکثر غفلت شعاری سے کام لیتے ہیں۔
انہوں نے کہا کہ انہیں ہسپتال تک رسائی میں مشکلات کا سامنا کرنا پڑتا تھا لیکن کچھ سال قبل مختلف علاقوں میں ہیلتھ سینٹرز کا قیام عمل میں آیا جو کہ ایک خوش آئیند بات تھی۔
تاہم اب یہ مراکز صرف نام کے رہ چکے ہیں کیونکہ ان مراکز پہ تعینات طبی و نیم طبی عملہ اکثر غیر حاضر رہتے ہیں۔ اس دوران اگر کوئی ایمرجنسی نوعیت کا معاملہ پیش آتا ہے تو عملے کی غیر موجودگی سے کافی مشکلات کا سامنا کرنا پڑتا ہے۔