سرینگر کے مضافات میں انکاؤنٹر

دارالحکومت سرینگر کے مضافاتی علاقہ عمرآباد میں سیکیورٹی فورسز اور عسکریت پسندوں کے مابین انکاونٹر جاری ہے۔

ذرائع نے بتایا کہ عسکریت پسندوں کی موجودگی کی مصدقہ اطلاع ملنے پر سیکیورٹی فورسز نے مذکورہ علاقے کو محاصرے میں لے کر تلاشی کاروائی شروع کی، تلاشی کاروائی کے دوران چھپے ہوئے عسکریت پسندوں نے سیکیورٹی فورسز پر فائرنگ کی، جس کے بعد تصادم شروع ہوا۔

ذرائع نے بتایا کہ علاقے میں چھپے ہوئے عسکریت پسندوں میں ٹاپ کمانڈر یوسف کنترو شامل ہیں۔

خبر لکھے جانے تک تصادم جاری تھا۔