کشمیر میں کورونا وائرس سے پنچایتی انتخابات مؤخر

ای ٹی وی بھارت کو باوثوق ذرائع سے معلوم ہوا ہے کہ چیف الیکٹورل دفتر ان انتخابات کو اپریل میں منعقد کرنے کی تیاریوں میں لگا تھا، لیکن کورونا وائرس سے ان انتخابات کے انعقاد پر گہرے بادل چھا گیے ہیں۔

مہلک کورونا وائرس کے باعث اپریل میں متوقع پنچایتی اور ضلعی پلاننگ اینڈ ڈیولپمنٹ بورڈز کے انتخابات کو مزید مؤخر کیا گیا ہے۔

جموں و کشمیر میں سنہ 2018 کے نومبر میں پنچایتی انتخابات منعقد کئے گئے تھے لیکن کشمیر میں ناسازگار حالات ہونے کے باعث 12565 پنچایتی حلقوں میں یہ انتخابات منعقد نہیں ہو پائے۔

یہ حلقے خالی رہ گئے تھے اور حکام نے کہا تھا کہ ان خالی نشستوں پر دوبارہ انتخابات منعقد کرائے جائیں گے۔ جموں و کشمیر کے چیف الیکٹورل آفیسر نے ان انتجابات کو رواں برس کے مارچ میں منعقد کرنے کے لیے نوٹیفیکیشن جاری کیے تھے۔

اگرچہ سیکورٹی کے خدشات ہونے کے پیش نظر الیکٹورل آفیسر نے ان کو مؤخر کیا تھا تاہم ذرائع کا کہنا تھا کہ فروری میں علیحدگی پسند رہنما سید علی گیلانی کے صحت کے متعلق اطلاعات کو مدنظر رکھتے ہوئے حکومت نے یہ فیصلہ لیا تھا۔

ای ٹی وی بھارت کو باوثوق ذرائع سے معلوم ہوا ہے کہ چیف الیکٹورل دفتر ان انتخابات کو اپریل میں منعقد کرنے کی تیاریوں میں لگا تھا، لیکن کورونا وائرس سے ان انتخابات کے انعقاد پر گہرے بادل چھا گیے ہیں۔

ذرائع کا کہنا ہے کہ اب اپریل میں یہ انتخابات منعقد کرنا ممکن نہیں ہوگا کیوں کہ سرکار نے کورونا وائرس وبا کے پھیلاؤ کو روکنے کیلئے بھیڑ جمع ہونے پر پابندی عائد کر دی ہے۔

انکا کہنا تھا کہ الیکن منعقد کرنے کے دوران ووٹرس، سیکورٹی ایلکاروں اور ووٹنگ عملے کی وجی سے بھیڑ ہوتی ہے جو کورونا وائرس وبا کے پھلاؤ میں لوگوں کیلئ تباہ کن ثابت ہوگی اور حکومت کیلئے بھی۔

ذرائع کا کہنا ہے کہ موجودہ طبی حالات اور لوگوں کی حفاظت کیلئے چیف الیکٹورل افیسر نے ان انتخابات کو مزید مؤخر کرنے کا فیصلہ لیا ہے۔