دو منشیات اسمگلر گرفتار

ریاست جموں و کشمیر کے ضلع شوپیان میں پولیس نے منشیات کا کاروبار کرنے والے دو افراد کو گرفتار کرلیا ہے۔

پولیس ذرائع کے مطابق ایس ایس پی شوپیان سندیپ چودھری کی سربراہی میں ضلع شوپیان کے ہیدرگنڈ زینہ پورہ علاقے سے منشیات فروخت کررہے دو افراد کو 40کلو خشخاش (فکی) کے ساتھ گرفتار کر لیا ہے، پولیس نے اس معاملے میں ایک کیس درج کرکے مزید تحقیقات شروع کردی ہے۔

مقامی لوگوں نے پولیس کے اس کام کی سراہنا کرتے ہوئے بتایا کہ پولیس منشیات کا کاروبار کرنے والے افراد کو گرفتار کرنے اور انہیں سخت سے سخت سزا دینے کی مہم کو جاری رکھے۔