سرینگر لداخ شاہراہ پر حادثہ میں ڈرائیور ہلاک، دوسرا شدید زخمی

ہفتے کی صبح کو سرینگر شاہراہ پر ایک ٹرک حادثے کا شکار ہوگیا۔ جس سے ڈرائیور کی موقع پر موت ہوگئی جبکہ ایک شخص شدید طور پر زخمی ہوگیا۔ پولیس کے مطابق دونوں سگے بھائی ہیں۔

سرینگر لداخ شاہراہ پر حادثہ میں ہفتے کے روز فوٹلہ ٹاپ کے قریب ایل پی ٹرک ڈرائیور کی موت ہوگئی جبکہ ان کا ساتھی شدید طور پر زخمی ہوگیا۔

پولیس ذرائع نے بتایا کہ لداخ سے سرینگر جاتے ہوئے ایل پی ٹرک کو فوٹلہ ٹاپ خلسی کے قریب ایک حادثہ پیش آیا اور صبح 4 بجے کے قریب 200 فٹ گہری کھائی میں جاگرا، جس سے ڈرائیور کی موقع پر ہی موت ہو گئی جبکہ کنڈکٹر حادثے میں شدید زخمی ہوگیا ہے۔ جسے اسپتال میں بھرتی کرایا گیا ہے، جہاں حالت نازک بنی ہوئی ہے۔

پولیس نے بتایا کہ یہ دونوں سگے بھائی تھے اور ان کی شناخت محمد اسلم فمڈہ اور منیر فمڈہ ساکنہ فراو، حکنار گنڈ کے طور پر ہوئی ہے۔ پولیس آگے کی کاروائی شروع کردی ہے۔