سوپور: مہاراج پورہ علاقے میں صاف پانی کی شدید قلت

شمالی کشمیر کے ضلع بارہمولہ کے سوپور قصبہ کے مہاراج پورہ علاقے میں گزشتہ پانچ برسوں سے پینے کے لیے صاف پانی کی شدید قلت ہے۔

ای ٹی وی بھارت کے ساتھ بات کرتے ہوئے مقامی لوگوں نے بتایا کہ سرکار اور پی ایچ ای ڈپارٹمنٹ نے ہمیں نظرانداز کیا ہے۔ ہم نے کئی مرتبہ پینے کے صاف پانی کے لیے درخواست کی لیکن اب تک اس مسئلے کو حل نہیں کیا گیا ہے۔

انہوں نے مزید کہا کہ ہماری خواتین کو پانی کے لیے دربدر کی ٹھوکریں کھانا پڑتی ہیں اور دوسرے علاقے سے پانی لانا پڑتا ہے جو کہ قابل افسوس ہے۔

انہوں نے مزید کہا کہ جب بھی کبھی بارش ہوتی ہے تو ہم وہی پانی جمع کرتے ہیں اوربرف پگھلا کر پانی کا استعمال کرتے ہے کیونکہ ہمارے اس علاقے میں پانی کی بہت زیادہ قلت ہے۔

اس سلسلے میں جب ای ٹی وی بھارت کے نمائندے نے ایکزیکٹیو افسر پی ایچ ای سوپور غلام رسول سے بات کی تو انہوں نے کہا کہ ہم پوری کوشش کرتے ہیں کہ ہم ان لوگوں کو صاف پانی فراہم کریں ان کو پانی سپلائی کی گاڑی ہفتہ میں تین بار بھیجا کرے گے۔