زمین کھسکنے سے درجنوں کنبوں کو خطرہ لاحق

مقامی لوگوں کا کہنا ہے کہ دریا کنارے زمین کھسکنے سے علاقہ ناقابل رہائش بن چکا ہیں اور درجنوں کنبے نقل مکانی کرنے پر مجبور ہوگئے ہیں۔

جموں کشمیر کے ضلع پونچھ تحصیل منڈی کی پنچائت ملکاں محلہ دھکڑاں والی میں تیس سے زاید رہائشی مکان دریا کے کنارے آباد ہیں جو ہمیشہ پسیوں کی زد میں آنے کے خطرے سے دوچار رہتے ہیں۔

یہاں ایک سرکاری سکول اور ایک مسجد شریف بھی آباد ہیں اور اکثر لوگ پسیا گِر آنے کی وجہ سے خطے کے سائے تلے زندگی بسر کرتے ہیں-

مقامی لوگوں کا کہنا ہے کہ دریا کنارے زمین کھسکنے سے علاقہ ناقابل رہائش بن چکا ہیں اور درجنوں کنبے نقل مکانی کرنے پر مجبور ہوگئے ہیں۔

مقامی لوگوں کا کہنا ہے کہ اس سلسلہ میں محکمہ فلڈ کنٹرول کو کئی بار مطلع کیا گیا تاہم محکمہ ٹس سے مس نہیں ہوتا-

انہوں نے مزید کہا کہ نومبر میں ضلع ترقیاتی کمیشنر نے ازخود علاقہ کی ابہتر حالت کا معائنہ کیا اور 2 دسمبر 2019 کو محکمہ فلڈ کنٹرول کو موقع پر بھیجنے کا وعدہ کیا تھا لیکن قریب ایک ماہ گزر جانے کے بعد بھی وعدہ پورا نہیں کیا گیا۔

مقامی لوگوں نے ایک بار پھر ضلع ترقیاتی کمیشنر پونچھ سے اپیل کی ہے کہ وہ محکمہ مال اور محکمہ فلڈ کنٹرول کو ہدایت جاری کریں کہ وہ مزکورہ علاقہ میں لوگوں کی مشکلات کو حل کریں۔