سرینگر میں عزاداری جلوسوں پر قدغن، درجنوں گرفتار

وادیٔ کشمیر میں انتظامیہ نے 8 اور 10 محرم کے پیشِ نظر تمام اضلاع میں سخت بندشیں نافذ کی ہیں، اس دوران اضافی سکیورٹی اہلکاروں کی تعیناتی کے علاوہ سڑکوں کو سیل کیا گیا ہے۔

جموں و کشمیر کے دارالحکومت سرینگر میں جمعہ کو پولیس نے 8 محرم کے پیش نظر پابندیاں عاید کی ہیں ۔ اس دوران عزاداری جلوسوں کو نکالنے پر پابندی ہے۔

سرینگر میں کئی مقامات پر عزاداروں نے جلوس نکالنے کی کوشش کی لیکن پولیس کی بھاری تعیناتی کے سبب وہ ناکام ہوئے۔

پولیس نے درجنوں عزاداروں کو حراست میں لے کر انہیں مختلف تھانوں میں نظر بند کیا ہے۔

قابل ذکر ہے کہ وادی کشمیر میں عزاداری جلوسوں پر گزشتہ کئ دہائیوں سے پابندی ہے جس کی شیعہ آبادی شدید تنقید کر رہی ہے۔