ڈوڈہ: آتشزدگی کے سبب محکمہ تعمیرات عامہ کا اسٹور خاکستر

جموں و کشمیر کے خطہ چناب کے ضلع ڈوڈہ کے سب ڈویژن ٹھاٹھری میں آج دوپہر آتشزدگی کے سبب محکمہ تعمیرات عامہ کا اسٹور جل کر راکھ کے ڈھیر میں تبدیل ہو گیا۔

بتایاجارہا ہے کہ آتشزدگی کا یہ واقع سبب ڈویژن ٹھاٹھری کے صدر مقام پر ایس ڈی ایم دفتر کے پاس واقع محکمہ تعمیرات عامہ کے اسٹور میں پیش آیا۔اور دیکھتے ہی دیکھتے اسٹور جل کر خاکستر ہوگیا-

بتایاجارہا ہے کہ اسٹور میں سڑک کی تعمیر میں چٹانوں ،پتھروں کو توڑنے کے لئے استعمال کئے جانے والا دھماکہ خیز موادموجود تھا۔جو بڑے حادثے کی وجہ بن سکتا تھا ۔

آس پاس میں سرکاری دفاتر کی موجودگی کے سبب آگ پر بروقت قابو پانے کے لئے فائز اینڈ ایمرجنسی سروس کے عملے نے آگ بجھانے کی کام شروع کیا۔ اور وقت رہتے آگ پر قابو پا لیا گیا۔

آگ بجھا نے میں ٹھاٹھری کے مقامی لوگوں کے علاوہ سماجی تنظیم، ابابیل، اور پولیس نے جائے واردات پر پہنچ کر آگ بجھانے میں متعلقہ محکمہ کی مدد کی ۔

اس آتشزدگی میں کسی بھی جانی نقصان کی اطلاع نہیں ہے ۔

جبکہ آتشزدگی کے سبب اسٹور کے ساتھ ہی بیت الخلاء کمپلکس بھی جل کر تباہ ہو گیا ۔

آگ لگنے کی وجوہات کا پتہ نہیں چل سکا ہے ۔