ڈوڈہ پولیس نے خواتین کرکٹ ٹورنامنٹ کا انعقاد کیا ڈوڈہ:ضلع پولیس ڈوڈہ کی جانب سے منعقد کیے جانے والا یہ ٹورنامنٹ اپنی نوعیت کا پہلا تھا۔ جس کا مقصد خواتین میں کھیل کے جذبے کی حوصلہ افزائی کرنا اور انہیں کھیلوں کے میدان میں اپنی صلاحیتوں کو ظاہر کرنے کے مواقع فراہم کرنا ہے۔ اس موقع پر ڈی سی ڈوڈہ شری ویش پال مہاجن مہمان خصوصی تھے۔ ایس ایس پی ڈوڈہ عبدالقیوم (جے کے پی ایس ) نے حصہ لینے والی ٹیموں کے ساتھ بات چیت کرتے ہوئے کہا کہ انہیں لڑکیوں کو کرکٹ کھیلتے ہوئے دیکھ بڑی خوشی ہوئی۔ان کی پرجوش شرکت پر مبارکباد پیش کرتا ہوں۔
انہوں نے کہا کہ ڈوڈہ پولیس کی یہ کوشش رہی ہے کہ مستقل میں مزید ٹورنامنٹوں کا انعقاد کیا جائے جس میں بنیادی طور پر نوجوانوں کو شامل کیا جائے تاکہ انہیں کھیلوں کے میدان میں موقع فراہم کیا جا سکے۔ خواتین میں کھیلوں کی سرگرمیوں کی حوصلہ افزائی کے لیے مستقبل میں بھی اس طرح کے اسپورٹس ایونٹس کا انعقاد کیا جائے گا۔
ٹورنامنٹ کا فائنل میچ گرین چمپ ڈوڈہ اور اسپورٹس اینڈ فٹنس ہب ڈوڈہ کے درمیان کھیلا گیا۔ گرین چیمپ ڈوڈہ فاتح بن کر ابھری جسے ٹرافی کے ساتھ 25,000 روپے کا نقد انعام دیا گیا۔ رنر اپ ٹیم کو 15000 روپے نقد انعام کے ساتھ ٹرافی دی گئی۔ اس کے علاوہ سیریز کے بہترین کھلاڑی، بہترین بولر، بہترین بلے باز وغیرہ کو ٹرافی کے ساتھ 51 ہزار روپے کے نقد انعامات بھی دیے گئے، حصہ لینے والی ٹیموں میں اسپورٹس کٹس بھی تقسیم کی گئیں۔
یہ بھی پڑھیں:Army organizes Race : اننت ناگ میں فوج کے زیر اہتمام ریس منعقد
اس ٹورنامنٹ کا انعقاد ایس ایچ جسونت سنگھ، Dy.SP ہیڈکوارٹر ڈوڈا۔ اس موقع پر اے ایس پی ہیڈکوارٹر ڈوڈہ ایس ایچ۔ شکیل رحمان بھٹ، Dy.SP DAR Doda Sh. سشیل کمار، ایس ایچ او پی ایس ڈوڈہ انسپکٹر ارون شرما اور سول پولیس انتظامیہ کے دیگر افسران بھی موجود تھے۔
