ڈوڈہ: محکمہ زراعت کی طرف سے کسان میلہ کا انعقاد

جموں و کشمیر کے ضلع ڈوڈہ کے مرمت علاقہ میں محکمہ زراعت کی جانب سے کسانوں کو سرکاری اسکیمات اور کاشتکاری میں جدید ٹکنا لوجی کے استعمال سے واقف کرانے کے لئے نو منتخب ڈی ڈی سی مرمت مشتاق احمد بٹ کی قیادت میں کسان میلہ اور بیداری پروگرام کا انعقاد کیا گیا۔

جموں کشمیر کے ضلع ڈو ڈہ کے محکمہ زراعت کی جانب سے منعقدہ اس کسان میلہ میں مختلف محکموں کی جانب سے سرکاری اسکیموں کی تشہیر کے لئے اسٹال قائم کئے گئے تھے۔ اس موقع پر کسانوں کو کاشتکاری میں استعمال ہونے والے جدید آلات سے روشناس کرایا گیا۔ سب ڈویژن ایگریکلچر آفیسر (ایس ڈی اے او) پرانو نے کاشتکاروں کو مختلف محکموں کی اسکیمز سے متعلق جانکاری دی۔

ڈی ڈی سی ممبر ان نے کسانوں سے خطاب کرتے ہوئے کاشتکاری کے نئے اسکیمز سے فائدہ اُٹھانے پر زور دیا۔ متعلقہ افسران کو ہدایت دی کہ وہ کسانوں کی فلاح بہبود سے متعلق تمام اسکیمات سے کسانوں کو آگاہ کریں، تاکہ دور دراز کے کسان بھی ان اسکیمز سے استفادہ کر سکیں۔

میلہ کے دوران شعبہ زراعت میں نمایاں کارکردگی انجام دینے والے کسانوں کی حوصلہ افزائی کے لیے اعزاز سے نوازا گیا۔

اس کسان میلے میں علاقہ مرمت کے تحصیلدار کے علاوہ متعلقہ محکمہ کے ملازمین بھی موجود تھے۔ اس کے علاوہ اس میلہ میں کسانوں کی کثیر تعداد بھی موجود تھی۔