ڈسٹرکٹ مجسٹریٹ اور چیئرمین ڈسٹرکٹ ڈیزاسٹر مینجمنٹ اتھارٹی (ڈی ڈی ایم اے) کرگل بصیر الحق چودھری نے کہا کہ یکم جولائی یعنی آج سے کرگل میں لاک ڈاون میں نرمی ہوگی۔
بصیر الحق چودھری نے کہا کہ اس دوران ضلع میں رستوراں اور بیوٹی سیلون کے علاوہ تمام دکانوں کو کھولنے کی اجازت ہوگی جبکہ کمرشل گاڑیوں کے بغیر تمام نجی گاڑیوں کے چلنے پر بھی کوئی پابندی نہیں ہوگی۔
کرگل: یکم جولائی سے لاک ڈاؤن میں نرمی کا اعلان بصیر الحق چودھری نے مزید کہا کہ 10 دن کے بعد فیصلے کا جائزہ لیا جائے گا اور اس حوالے سے مزید فیصلے آنے والے دنوں میں صورت حال کا جائزہ لینے کے بعد فیصلہ لیا جائے گا۔
ڈی ایم کا مزید کہنا تھا کہ تمام کھلنے والے دکانوں میں ماسک اور دستانے کا استعمال کرتے ہوئے ایس او پیز کو سخت پابندی کے ساتھ اپنانے اور اس کے علاوہ مناسب معاشرتی دوری کو برقرار رکھنے کو یقینی بنایا جائے۔
کووڈ 19 کے پھیلاؤ پر مشتمل ایس او پیز اور گائیڈ لائنز کی پاسداری کی اہمیت کو مجروح کرتے ہوئے ڈی ایم نے کہا کہ طے شدہ اصولوں پر کسی بھی انداز میں سمجھوتہ نہیں کیا جائے گا اور خلاف ورزی کرنے والوں کے خلاف قانون کے تحت سخت کارروائی کیا جائے گا۔
ضلع میں تعمیراتی سرگرمیاں انجام دینے کے لئے مزدوروں کی مصروفیات کے حوالے سے ڈی ایم نے واضح کیا کہ ضلع سے باہر کے مزدوروں کی جانب سے تعمیراتی سرگرمیاں انجام دینے کے لئے مزدور لانے پر کوئی پابندی نہیں ہو گی بشرط ی یہ کہ وہ 14 دن کے لازمی قرنطینہ مکمل کریں۔
ڈی ایم نے مزید بتایا کہ ضروری خدمات خصوصاً ایمرجنسی کیسز میں گاڑیاں کی نقل و حرکت پر کوئی پابندی نہیں ہے اور ڈاکٹروں کی جانب سے ریفر اور تجویز کردہ مریضوں کو لے جانے والی گاڑیوں کو ضلع سے باہر جانے کی اجازت دی جاتی ہے۔
ضلع میں انتظامیہ کی جانب سے کی جانے والی کووڈ-19 آگاہی مہم کی سرگرمیوں کے بارے میں میڈیا کو آگاہ کرتے ہوئے ڈی ایم اے نے بتایا کہ اب تک 50 کے قریب دیہات کا احاطہ کیا جا چکا ہے جبکہ آئندہ 7 روز کے دوران 60 سے زائد دیہات کو مہم کے حصہ کے طور پر احاطہ کیا جا رہا ہے۔
اس موقع پر ایس پی کرگل ڈاکٹر ونود کمار، ایڈیشنل ڈی سی کرگل ٹسرانگ موٹوپ، ایڈیشنل ایس پی کرگل افتخار طالب چوہدری، سی ایم او کرگل ڈاکٹر محمد ابراہیم خان اور دیگر متعلقہ افسران بھی موجود تھے۔
