Fitment Camp For Children معذور بچوں کے درمیان ضروری آلات تقسیم

ضلع پلوامہ کے سینئر ہائی اسکول میں محمکہ تعلیم کی جانب سے جموں و کشمیر سماگرا شکشا پروگرام کے تحت جسمانی طور کمزور بچوں کے لئے فٹمنٹ کیمپ کا انعقاد کیا گیا جس میں ان بچوں میں ضروری آلات تقسیم کئے گئے تاکہ یہ تعلیم کے میدان میں باقی بچوں سے پیچھے نہ رہے۔

پلوامہ:مرکز کے ایر انتظام یوٹی جموں و کشمیر کے ضلع پلوامہ میں محکمہ تعلیم کی جانب سے اس پروگرام کا انعقاد کیا گیا جبکہ اس موقع پر ان بچوں کے والدین کے ساتھ ساتھ ان کے استاد بھی موجود تھے۔

پروگرام میں اے سی آر پلوامہ نے بطور مہمان خصوصی کی حیثیت سے شرکت کی جبکہ اس موقع پر چیف ایجوکیشن آفس پلوامہ بھی موجود رہے۔ والدین حضرات نے ضلع انتظامیہ کے ساتھ ساتھ محمکہ تعلیم کے افسران کا شکریہ ادا کرتے ہوئے کہا کہ وہ اس طرح کے مزید پروگرام انقعاد کریں تاکہ ہمارے بچے باقی بچوں کی طرح ہی تعلیم حاصل کرسکے۔

اس موقع پر کچھ والدین نے بات کرتے ہوئے کہا کہ ہم ضلع انتظامیہ کا شکریہ ادا کرتے ہے کہ وہ ہمارے بچوں کا خیال رکھتے ہیں۔انہوں نے مزید کہا کہ محکمہ سماجی بہبود کی جانب سے دیا جانے والے مالی امداد کئی ماہ سے بند کردی گئی ہے جبکہ ہم نے سبھی لوازمات پورے کئے ہیں۔

اس موقع پر چیف ایجوکیشن آفسر پلوامہ ایم کیو ندوی نے بات کرتے ہوئے کہا ضلع پلوامہ میں 1500 کے قریب بچے اس فٹمنٹ کیمپ سے مستفید ہونگے جس میں ضروری آلات تقسیم کئے جائے گے تاکہ ان کی تعلیم متاثر نہیں ہو۔

اس موقع پر اے سی آر پلوامہ اعجاز احمد نے بات کرتے ہوئے کہا ضلع انتظامیہ ان بچوں کے کافی سنجیدہ ہے اور وقتا فوقتا ان کی ضرورتوں کو پورا کرنے کے لیے انتظامیہ اقدامات اٹھا رہا ہے۔انہوں نے کہا کہ یہ ہمارے معاشرے کا ایک اہم حصہ ہے لہذا ہر ایک کو چاہیے کہ وہ ان کے لئے ہمدردی رکھے اور ان کی مدد کے لیے ہر وقت سامنے آئے۔