وادی کشمیر میں آئے روز کوروناوائرس کے مثبت کیسز میں اضافہ ہورہا ہے جس سے کافی تعداد میں لوگ متاثر ہورہے ہیں۔
جنوبی کشمیر کے اونتی پورہ علاقے میں واقع اسلامک یونیورسٹی آف سائنس اینڈ ٹیکنالوجی میں انتظامیہ نے سینٹایزشن ٹنل قائم کی ہے۔اس ٹنل کا افتتاح ثاقب مرتضٰی( کے اے ایس) اور ایگزیکٹو آفیسر میونسپل کمیٹی اونتی پورہ منظور احمد نے مشترکہ طور پر کیا۔
اس موقع پر میونسپل کمیٹی اونتی پورہ کے سکریٹری اسداللہ اور کونسلر فاروق احمد بھی موجود تھے۔
اس دوران پر ذرائع ابلاغ کے ساتھ بات کرتے ہوئے ثاقب مرتضٰی نے بتایا کہ یہ ٹنل آٹومیٹک ہے اور کوئی بھی فرد ٹنل میں داخل ہونے سے ہی ٹنل خود بخود چالو ہو جاتی ہے۔
واضح رہے کہ اسلامک یونیورسٹی آف سائنس اینڈ ٹیکنالوجی اونتی پورہ میں قائم قرنطینہ مرکز میں فی الوقت 50 سے زائد افراد کو قرنطینہ میں رکھا گیا ہے جبکہ اس سے پہلے یہاں سینکڑوں افراد قرنطینہ مکمل کر کے اپنے اپنے گھروں کی طرف روانہ ہوئے ہیں۔