'بہت جلد انٹرنیٹ سروس بحال کی جائے گی'

دفعہ 370 کی منسوخی کے بعد لوگوں نے کافی تعاون دیا جس کے پیش نظر جموں و کشمیر میں حالات پُرامن رہے۔

جموں کشمیر پولیس کے سربراہ دلباغ سنگھ نے آج کولگام کا دورہ کیا۔دورہ کے دوران انہوں نے پولیس لائنز کولگام میں پولیس کے افسران کے ساتھ میٹنگ کی۔ بعدازاں انہوں نے ضلع پولیس کی جانب سے منعقدہ ایک عوامی دربار سے بھی خطاب کیا۔

میڈیا سے بات کرتے ہوئے انہوں نے کہا کہ 'دفعہ 35 اے کی منسوخی کے بعد جموں کشمیر کے حالات بہتر ہے اور جگہ جگہ ٹریفک جام کے مناظر دیکھنے کو مل رہے ہیں'۔

انہوں نے کہا کہ دفعہ 370 کی منسوخی کے بعد لوگوں نے کافی تعاون دیا جس کے پیش نظر جموں و کشمیر میں حالات پُرامن رہے۔

انہوں نے دعویٰ کیا کہ حال ہی میں کاترسو کولگام میں غیر ریاستی مزدورں کے قاتلوں کی پہچان ہوئی ہے۔

وہی میڈیا کی جانب سے انٹرنیٹ سہولیات بند ہونے پر انہوں نے کہا کہ حالات میں بہتری آرہی ہیں اور ریاست میں انٹرنیٹ سہولیات بحال کرنے پر غور کیا جائے گا۔