خبر کا اثر، سڑکوں کی مرمت شروع

ریاست جموں و کشمیر کے ضلع کولگام کے کئی علاقوں میں سڑکوں کی خستہ حالی کو لیکر ای ٹی وی بھارت نے متعدد دفعہ خبر چلائی جس کے سبب انتظامیہ حرکت میں آکر سڑکوں کی مرمت کرنے میں لگ چکی ہے۔

متعلقہ انتظامیہ کی طرف سے آج برازلو سے اشموجی جانے والی سڑک پر تار کول بچھانے کا کام شروع کیا گیا۔

اس موقع پر مقامی لوگوں نے ای ٹی وی بھارت کا شکریہ ادا کیا اور کہا کہ ای ٹی وی بھارت کی وجہ سے انتظامیہ تک اُنکی آواز پوہنچی اور سڑکوں پر مرمت کا کام شروع کیا گیا۔

مقامی لوگوں نے گورنر انتظامہ کا بھی شکریہ ادا کیا۔

کولگام ضلع میں محکمہ پی ایم جی ایس وائی (پردھان منتری گرام سڑک یوجنا )کے تحت سڑکوں پر تار کول بچھانے کا کام جاری ہے۔