گاندربل: ڈپٹی کمشنر کی جانب سے پریس کانفرنس کا انعقاد

گاندربل کے ترقیاتی کمشنر کرتیکا جیوتسنا نے ایک پریس کانفرنس کے ذریعے بتایا کہ گاندربل میں کورونا مثبت مریضوں کی شرح میں مزید کمی آئی ہے اور صحتیابی کی شرح میں بھی اضافہ ہوا ہے۔

جموں و کشمیر میں ضلع گاندربل کے ترقیاتی کمشنر کرتیکا جیوتسنا نے ایک پریس کانفرنس کے ذریعے بتایا کہ گاندربل میں کورونا مثبت مریضوں شرح 11.5 فی صد سے کم ہو کر 6 فیصد ہوگئی ہے۔ جبکہ صحتیابی کی شرح بھی 89 فی صد سے تجاوز کر گئی ہے۔


اُنہوں نے کہا کہ گزشتہ چار ہفتوں کے دوران عوام کے تعاون اور محکمہ صحت کے کارکنان کی محنت سے کورونا مثبت معاملات کی شرح میں نمایاں کمی آئی ہے وہیں ضلع میں تقریباً 59 علاقوں کو ریڈ زون میں تبدیل کیا گیا تھا وہاں کے بھی حالات بہتر ہیں۔

ضلع ترقیاتی کمشنر گاندر بل نے بتایا کہ گزشتہ ہفتے 446 آر اے ٹی ٹیسٹ کئے گئے تھے جن میں پانچ ٹیسٹ مثبت آئے تھے۔ وہیں ڈی سی نے کہا کہ 18 برس سے 44 برس تک کی عمر کے 3180 اَفراد کو کووِڈ کے ٹیکے لگائے گئے ہیں اس دوران اُنہوں نے دوکانداروں، ٹرانسپورٹروں اور اَمرناتھ یاترا میں سروس مہیا کرنے والوں سے اپیل کی کہ وہ ویکسینیشن ضرور کروائیں۔