بھارتی فوج کے ایک سینیئر افسر نے کہا ہے کہ میڈیا میں اس بارے میں آنے والی رپورٹ غلط ہے۔
قابل ذکر ہے کہ میڈیا میں جاری ایک رپورٹ میں لداخ سے تعلق رکھنے والے بی جے پی کے سابق رکن پارلیمان تھپسان چھیوانگ کے حوالے سے بتایا گیا ہے کہ چینی فوج مشرقی لداخ میں پیگونگ جھیل کے شمال میں فنگر ٹو اور تھری کے علاقے میں پیش قدمی کرتے ہوئے بھارتی سرحد پر قبضہ کر چکی ہے۔
فوج نے اس رپورٹ کو مکمل طور سے فرضی قرار دیتے ہوئے کہا ہے کہ وہ اسے مسترد کرتی ہے۔
مشرقی لداخ میں لائن آف ایکچول کنٹرول پر گذشتہ پانچ ماہ سے بھارت اور چین کے مابین فوجی تعطل بناہوا ہے۔ اس کے حل کے لیے سفارتی، فوجی اور سیاسی سطح پر دونوں فریقوں کے مابین مستقل بات چیت جاری ہے ، لیکن دونوں فریق کے اپنے اپنے موقف پر ڈٹے رہنے سے ابھی تک اس کا کوئی ٹھوس حل برآمد نہیں ہوسکا ہے۔
