جموں خطہ کو ریاست کا درجہ دینے کا مطالبہ

چوبیس جون کو قومی دار الحکومت دہلی میں ہونے والی میٹنگ کو لے کر جموں و کشمیر میں گزشتہ کئی روز سے کافی باتیں سامنے آرہی ہیں۔ جموں و کشمیر خاص کر خطہ جموں میں افواہوں کا بازار بھی گرم ہے۔ اور لوگوں کی نگاہیں 24 جون کو ہونے والی میٹنگ پر ہے۔

اس دوران جموں کو علیحدہ ریاست کا درجہ دینے کا بھی مطالبہ کیاجارہا ہے۔ تاہم سیاسی جماعتیں اس مطالبہ کے حق میں نہیں ہیں۔ سیاسی جماعتیں پہلے کی طرح پورے جموں و کشمیر کو پھر ریاست کا درجہ دینے کا مطالبہ کرہی ہیں۔

جموں کے مختلف مقامات پر آج مرکزی حکومت کے خلاف احتجاج کیا گیا۔ وہیں جموں خطہ کو الگ سے ریاست کا درجہ دینے کی مانگ بھی کی گئی ۔جموں میں یہ آوازیں ایسے وقت پر اٹھائی جارہی ہیں جب جموں و کشمیر کے سیاسی جماعتوں کے رہنماؤں کو 24 جون کو دہلی طلب کیا گیا ہے۔

جموں میں شیو سینا ڈوگرہ فرنٹ، شیو سینا بالاصاحب ٹھاکرے گروپ، ایک جٹ جموں نامی تنظیم نے جموں کو علحیدہ ریاست کا درجہ دینے کا مطالبہ کر ہی ہیں ۔