ڈمپنگ سائٹ تعمیر کرنے کا مطالبہ

جموں و کشمیر کے ضلع کپواڑہ کے زچلڈارہ میں ڈمپنگ سائٹ نہ ہونے کی وجہ سے لوگوں کو کافی مشکلات کا سامنا کرنا پڑ رہا ہے ۔

لوگوں نے شکایت کی ہے کہ یہاں ڈمپنگ سائٹ دستیاب نہ ہونے کی وجہ سے لوگ سڑکوں کے کنارے کوڑا کرکٹ ڈالنے پر مجبور ہورہے ہیں اور اس وجہ سے لوگوں کو طرح طرح کی مشکلات کا سامنا کرنا پڑتا ہے۔

لوگوں نے الزام لگایا کہ اگرچہ انہوں نے یہ معاملہ حکام کی نوٹس میں کئی بار لایا کہ زچلڈارہ تحصیل کے لئے ایک ڈمپنگ سائٹ کی منظوری عمل میں لائی جائے تاہم عرصہ دراز سے گزرنے کے باوجود ان کی مانگ پُر نہیں کی جارہی ہے۔

لوگوں نے ایک بار پھر مطالبہ کیا کہ زچلڈارہ میں ایک ڈمپنگ سائٹ کی تعمیر عمل میں لائی جائے تاکہ انہیں درپیش مشکلات کا ازالہ ہو سکے۔