اننت ناگ میں تیندوے کی لاش برآمد

جنوبی کشمیر کے ضلع اننت ناگ کے عیشمقام جنگلات میں تیندوے کی لاش برآمد کی گئی۔ ہلاکت کی وجوہات کا پتہ لگایا جا رہا ہے۔

اننت ناگ کے عیشمقام علاقہ کے جنگلات میں ایک تیندوے کو مردہ پایا گیا ہے۔ تفصیلات کے مطابق عیشمقام علاقہ کے جنگلات سوشل فارسٹری کے کمپارٹمنٹ اٹھارہ ایل میں آج دوپہر ایک تیندوے کو مردہ حالت میں پایا گیا۔محکمہ سوشل فارسٹری کو مردہ تیندوے کے بارے میں اطلاع دی گئی جس کے فوراً بعد متعلقہ محکمہ کی ایک ٹیم اُس مقام پر پہنچ گئی جہاں تیندوے کی لاش کو برآمد کیا گیا۔

محکمہ سوشل فارسٹری نے مردہ تیندوے کی لاش کو اپنی تحویل میں لے لیا ہے۔ تاہم ابھی تک تیندوے کےکی وجوہات کا پتہ نہیں چلا ہے۔